2 min read time.

ఏవండీ, పెళ్ళి కాని ప్రసాద్ (ప్రసాదిని) లు ఎక్కువ అవుతున్నారు. పెళ్ళి అయ్యి, పిల్లలు లేని వారు, బాధలో ఉన్నారు. మరి పిల్లలు ఉండి, నరకం అనుకునే వారూ అలాగే పట్టించుకోకుండా ఇంట్లో లేదా దూరంగా హాస్టలో వదిలి, సంస్కారం నేర్పలేని వారూ ఉన్నారు. మరి పెళ్ళి కాకపోవడం, పిల్లలు లేకపోవటం ఉండటం, పాపమా పుణ్యమా?

జవాబు - చాలా కష్టమైన ప్రశ్న, తప్పులు ఉంటే, పెద్దలు సరిచేయగలరు. చాటుగా విమర్శలు చేయడం అందరికీ తేలిక, పది మంది సంస్కారం గల పెద్దల ముందు, గౌరవముగా అన్ని కోణాలలో చెప్పగలగడం ఒప్పించగలగడం చాలా కష్టము.

కళ్యాణము వచ్చినా కక్కు వచ్చినా ఆగదు, అనేది పెద్దల సూక్తి. భాగస్వామి తో తన్నించుకోవాలి లేదా సేవలు చేయించుకోవాలని రాసి పెట్టి ఉంటే, వారిని దేవుడు కూడా ఆపలేడు. వ్యామోహం వెంటపడుతుంది, తేలికగా మాయలో చిక్కుకుంటారు.

పెళ్ళి కాని వారు 2 రకాలు - 1. కాలేదని బాధపడుతూ ఉండేవారు. ఏదో ఒకటి దొరికితే చాలు అనుకుని ఎదురు చూస్తూ ఉంటారు. ఆ ఆశతో పోయినా, మరలా జన్మ తప్పక ఉంటుంది. 2. ముందే బంధాలను వదిలేసి, నిర్మలముగా నిర్లిప్తముగా, తమను దేవుడు పంపిన లక్ష్యాన్ని నిస్వార్ధముగా పూర్తి చేస్తూ, జీవిత చివరి భాగాన్ని కూడా ఒంటరిగా, ఎదుర్కోవడానికి సిద్దమైన వారు. వీరికి బాధ మరియు ఆశ ఉండదు, మరలా జన్మ ఉండకపోవచ్చు.

ఆదిశంకరాచార్య, భీష్ముడు, హనుమంతుడు కూడా ఒంటరి వారే, 2 వ కోవకు చెందిన వారు. వారికి ఏ పాపము అంటదు, పెళ్ళి వద్దు అనుకోవడము వలన, పిల్లలు లేకపోవటము వలన. మొదటి ఇద్దరు, ఉత్తమ గతులే పొందారు.

ఇప్పుడు మనకు తెలిసి, యోగి మోడీ లాంటి వారు ఉన్నారు, వారు స్థిత ప్రజ్ఞులు చలించరు.

పెళ్ళి అయిన రాముడు సరయూ నదిలో కలిసారు చివరలో. క్రుష్ణుడు కి సొంత పిల్లలు కాకుండా, ఉత్తముడు అర్జునుడే చివర కార్యక్రమం చేసారు. అంతేనా?

మంచి గుణము లేని వారిని పెళ్ళి చేసుకుని, పాపాన్ని పెంచే బదులు, పాపాన్ని తుంచడము కూడా పుణ్యమే లేదా సున్నా పాపమే కదా?

మన ప్రశ్న, పిల్లలు గురించి కదా. ఉత్తమ వంశాభివ్రుద్ది కి ఉత్తమ జీవిత భాగస్వామి ఉత్తమ పిల్లలు ఉండాలి. గమనించారా, ఉత్తమ అన్న మాట. చాలా మందికి దాని అర్ధము తెలిసినా కూడా, నిర్లక్ష్యముగా వదిలేస్తారు ధన లేదా ఇతర మోహములో.

కష్ట సుఖాలను భరించే, నేలైనా పరుపైనా, సంపద అయినా లేమి అయినా, రాజ్యమైనా అడవి అయినా, సమానముగా ఆనందముగా చూసే భావించే, సీతా రాములు లాగా భార్యా భర్తలు ఉండి, లవ కుశలు వంటి ఉత్తములు ను కనాలి. మరి అలాంటి దంపతులు మరియు పిల్లలు ఎంత మంది ఉన్నారు ఇప్పుడు? కనీసం 20 శాతం?

కలియుగములో, ధర్మము కుంటుతుంది ఒంటి పాదముతో అంటే, సొంత తల్లి దండ్రులనే దగ్గర పెట్టి చూడలేని, మనము లేదా మన పిల్లలు, ఉత్తమ సంతతా? ఇప్పుడు జరిగే పెళ్ళిళ్ళు, పెద్దల మరియు పిల్లల ఉత్తమ గుణము తో కాకుండా, హోదా పదవి ఆస్తి ఉద్యోగం వీసా ల తో మాత్రమే జరుగుతున్నాయి.

పిల్లలు లేకుండా ఉండటాన్ని సున్నా (0) గా, పాపపు సంతతికి -1 గా, పుణ్య సంతతికి 1 గా అనుకుందాము.

మహాభారతము ఉదాహరణ గా తీసుకుంటే, పాండు రాజుకు 5 గురు పుత్రులు, ఉత్తములు. ద్రుతరాష్ట్రునకు గాంధారితో, 100 మంది మగ సంతానము. వికర్ణుడు ఒక్కరు తప్ప, అందరూ అధర్మానికి బానిసలు. పాండు రాజు పుణ్యం 5, అనుకుంటే ద్రుతరాష్ట్రునకు పాపం -99, భీష్మునికి పాపం 0. ఈ లెక్క కేవలము పిల్లల సంఖ్య తో మాత్రమే.

మరి పాండవులు చేసిన పుణ్యముతో, పాండు రాజు పుణ్యం, 5555 (ఎంతో కొంత మీ ఇష్టం). మరి కౌరవులు చేసిన పాపాలలో కూడా భాగం, దానిని ప్రొత్సహించిన తల్లి దండ్రులకు వస్తుంది కదా. అంటే ద్రుతరాష్ట్రునకు పాపం -9999 . . . . .(ఎంతో కొంత మీ ఇష్టం)

ఇప్పుడు ఇంటికి ఒక ద్రుతరాష్ట్రుడు, దుర్యోధనుడు, దుశ్శాసనుడు, రావణుడు, శూర్పణక, మంధర, కైక ఉన్నారు.

1. మరి పిల్లలు లేరు, మరింత పాపాన్ని పెంచలేదు అని సంతోషపడాలా?
2. ఉత్తమ పెళ్ళి బంధము మరియు సంస్కార పిల్లలతో, సమాజ శ్రేయస్సు కోసం, ధర్మం ఆచరిస్తూ, ప్రచారము చేపిస్తూ పుణ్యం సంపాదించామని ఆనందపడాలా?
3. పాపపు సంతతిని పెంచుతూ, కలియుగాన్ని మన కుటుంబము నుంచి కూడా, మరింత బ్రష్టుపట్టిస్తున్నాము అని బాధపడాలా?

విజ్ఞులు మీరే నిర్ణయించాలి.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.