APLatestNews.com top Banner
Sri Swami Tatvaalu శ్రీ స్వామి తత్వాలు
OurTripVideos - Visiting Places/Local Events Pictures and Videos. We visit, We record, We present, You Enjoy!
Latest Telugu(AP and Telangana) News VideosLatest India(English) News VideosLatest India(Hindi) News VideosLatest USA(English) News Videos Press Releases/Note - News/Events/Pictures Latest Telugu Serials and Shows Videos Telugu Devotional Videos Telugu Movie News and Comedy Videos Telugu Full Length Movie Videos Indian/Andhra/Telugu Recipes(Cooking) Latest Sports News Latest Telugu/English News feed(Short Text Version) Telugu/English - India/USA Newspapers Polls - vote/share your thoughts? Live Streaming - Watch News Online(Telugu/ English/ Hindi/ Tamil/ Kannada/ Malayalam/ Bengali) - Live TVs Live Streaming - Listen Radio Online(Telugu/ English/ Hindi/ Tamil/ Kannada/ Malayalam/ Bengali) - Live Radio APLatestNews.com on Social Media Network
             
APLatestNews.com - Sri Swami Tatvaalu శ్రీ స్వామి తత్వాలు
మిగతా తత్వాలు కుడా మనసుతో చదివితే మీ అన్ని సందేహాలకు జవాబులు లభిస్తాయి. ఇంకా సందేహాలు ఉంటే, ప్రశ్నలు సంధించండి.
తత్వం 17 - వేమన ఆత్మ జ్ఞాన సంపద 1(458 Views)
1.అంతరంగమందు అభవు నుద్దేశించి నిలిపి చూడచూడ నిలుచుగాక
బాహ్యమందు శివుని భావింప నిలుచునా విశ్వదాభిరామ వినుర వేమ

పరమాత్మను హ్రుదయంలో నిలుపుకొని చూస్తే గురి కుదురుతుంది. బాహ్యంలో చూస్తే గురి కుదరదు. ఫలితం శూన్యం.

2. అడవి దిరుగ జిక్క దాకసమునలేదు అవని తీర్ధయాత్రలందు లేదు
ఒడలు శుధ్ధిచేసి ఒడయని చూడరా విశ్వదాభిరామ వినుర వేమ

అడవిలో తిరిగినా, ఆకాశంలో చూచినా, తీర్ధయాత్రలు చెసినా శివుడు దొరకడు. శరీరాన్ని మనస్సును శుద్ధిచేసి అందులోనే పరమాత్మను చూడాలి.

3. అదిమి మనసు నిలిపి ఆనందకేళిలో బ్రహ్మమయుడు ముక్తి బడయగోరు
జిహ్వరుచులచేత జీవుండు చెడునయా విశ్వదాభిరామ వినుర వేమ

మనస్సును నిలకడగా నిలిపి ఆనందపరవశుదై బ్రహ్మజ్ఞాని ముక్తిని కోరుకుంటాడు. ఇంద్రియాలకు వశుడై మనస్సును నిలబెట్టుకోలేక పోవడం వలన మనిషి చెడిపోతాడు.

4. అల్పసుఖము లెల్ల నాశించి మనుజుండు, బహుళదుఖములను బాధపడును
పరసుఖంబు నొంది బ్రతుకంగ నేరడు, విశ్వదాభిరామ వినుర వేమ

ఐహిక(ఈ లోక) సంబంధమైన అల్పసుఖాలకు ఆశపడడంవల్ల అవి దుఖాన్ని కలుగచేస్తాయి; బాధనుండి విముక్తిని కలుగచేయలేవు. పరసుఖాన్ని ఆశించడంవల్ల బంధ విముక్తుడవుతాడు. ఇది జీవిత పరమార్ధమని తెలుసుకోలేక పోతున్నాడు.

5. ఆత్మశుద్ధి లేని యాచారమదియేల, భాండశుద్ది లేని పాకమేల
చిత్త శుద్ది లేని శివపూజలేలరా, విశ్వదాభిరామ వినురవేమ.

మనసును శుద్ది చేసుకొని నిర్మలంగా లేకుండా(చెడు అలోచనలు/పనులు) చేసే ఆచారం ఎందులకు? వంట పాత్ర శుభ్రంగా లేని వంట ఎందులకు? దైవ ద్యాస లేని, నిర్మలమైన మనసు లేని చేసే శివ పూజ ఎందులకు? ఫలితం శూన్యం.

6. హృదయమందు నున్న ఈశుని దెలియక, శిలల కెల్ల మ్రొక్కు జీవులార!
శిలలనేమి యుండు జీవులందే కాక? విశ్వదాభిరామ వినురవేమ

హృదయములో(తనలోనే) నున్న శివుని(పరమేశ్వరుని) దర్శించలేక(అంతరదృష్ఠి లేకుండా), జీవులందుoడే శివుని తెలుసుకోలేరు. రాళ్ళలో శివుడున్నాడని రాళ్లకు మొక్కే జీవులు నిజాన్ని కనలేరు.

7. వెన్న చేతబట్టి వివరంబు తెలియక, ఘృతము కోరునట్టి యతని భండి
తాను దైవమయ్యు దైవంబు దలచును , విశ్వదాభిరామ వినురవేమ!

వెన్నను చేతలో పట్టుకుని నెయ్యి చేసే విధానము తెలియక నేతికై బాధపడే వానివలె, జనుడు తనలోనే భగవంతుడున్నాడని తెలుసుకోలేక అతనెక్కడో ఉన్నాడని వెదకుచూ తికమక పడుతుంటాడు.

8. రాతిబొమ్మ కేల రంగైనా వలువలు, గుళ్ళు గోపురములు కుంభములును
కూడుగుడ్డ తాను గోరునా దైవంబు, విశ్వదాభిరామ వినురవేమ

రాతి బొమ్మలకు వస్త్రాలు, గుడులు గోపురాలు నైవేద్యాలు అవసరం లేదు. కూడు, గుడ్డ దేవుడు కోరుకోడు. అవన్నీ మనం కల్పించినవే.

9. మర్మమెరుగ లేక మతముల గల్పిఒచి, ఉర్వి దుఃఖులగుదు రొకరికొకరు
గాజు ఇంట కుక్క కలవళపడురీతి, విశ్వదాభిరామ వినురవేమ

గాజు గదిలో దూరిన కుక్క బయట పడే మార్గం తెలియనట్లు దైవ రహస్యం తెలియక మతాలు కల్పించుకొని ఒకరికొకరు దుఃఖాలనుభవిస్తూ ఉన్నారు.

10. మాట లుడుగకున్న మంత్రంబు దొరకదు, మంత్ర ముడుగకున్న మనసు నిలదు
మనసు నిల్వకున్న మరి ముక్తి లేదయా, విశ్వదాభిరామ వినురవేమా !

మౌనంగా ఉంటేనే మంత్రం దొరకుతుంది. ఆ మంత్రం ఉడిగితే మనసు కుదురుతుంది. మనసు నిర్మలం గా లేనిదే ముక్తి లభించదు.
Dt: 2017-09-30


Link

గమనిక - పైన ఉన్న "శ్రీ రామ రక్ష" పిక్చరు ను స్టికర్ గా, ఇంటి గుమ్మం తలుపు మీద, ఫ్రిడ్జ్ మీద, పూజ గది లో, ఇంటిలో కనపడే చోట, వాహనము మీద రక్షణ లేదా గుర్తు(స్మరణ) గా వీలైతే ఉపయోగించుకోవచ్చు.
Facebook Comments