APLatestNews.com top Banner
         
లోకములో అందరి పిల్లలు ఎదుగుతారు , కానీ నా కూతురు తరుగుతుంది - లోకం తీరు
OurTripVideos - Visiting Places/Local Events Pictures and Videos. We visit, We record, We present, You Enjoy!
           
     
మిగతా లోకం తీరు కూడా చదివితే మీ సందేహాలకు జవాబులు లభిస్తాయి. మంచి కోరే వారికి దీనిని పంపగలరు.
Auto news updates for EAST and WEST in English/ Hindi/ Telugu along with TV, Radio, Newspaper, Newsbites
* ఏది పడితే అది తినదు. చాలా పద్దతి
* లాస్ వెగాస్, గ్రాండ్ కెనియన్ గ్లాస్, బర్గర్, పిజ్జా
* మా డాక్టర్లు బంగారం గా చూసుకుంటారు
* ప్రేమగా నిమిరే ఇంకో చెయ్యి, పలకరించే పలుకు

నా కూతురికి తగని సిగ్గు, ఒంటరిగా బయటకు వెళ్ళదు, నేను లేనిదే. ఎందుకు అంటే ముద్దు ముద్దుగా తడబడుతూ నడుస్తుంది. తల ఊపు(గు)తుంది, నవ్వుతూ, తూలి పడిపోతుంది, కాళ్లు నిలవవు కదా. చేతి కర్రతో పాటు , కొడుకు చెయ్యి కూడా కావాలి.

లోకములో అందరి పిల్లలు ఎదుగుతారు, కానీ చిత్రం నా కూతురు మాత్రం తరుగుతుంది. నన్ను వీడి వెళుతుంది ఏ క్షణమైనా, దివి లోని అత్తారింటికి లేదా ఆయన దగ్గరకు.

10 ఏళ్లుగా ఉన్న సెడాన్ కారు లో కూర్చోలేను అంటే , పెద్ద బండి(SUV) తీసా ఎత్తు గా ఉంటుంది అని. ప్రతి ప్రోగ్రాం కు, గుడి కి, ఊరికి చెయ్యి పట్టుకుని వస్తుంది. ఇంట్లో ఒక్కదానికీ తోచదు అని, నేను తీసుకెళతా.

నా కూతురు ఏది పడితే అది తినదు. చాలా పద్దతి గా డైట్ చేస్తుంది. ఎందుకంటే బిపీ , షుగరు, వర్టికో(తల తిరుగుడు) తోడుగా ఉండి ఉడికిస్తుంటాయి ఉలికిస్తుంటాయి.

నేను చెయ్యి పట్టుకుంటే చాలు ఎక్కడ కైనా వస్తుంది, ఏమైనా తింటుంది తెల్ల అన్నమే కావాలి అని మారాం చేయదు. లాస్ వెగాస్, గ్రాండ్ కెనియన్ గ్లాస్, మెక్సికో, హాలీవుడ్, . . . తిరిగేటప్పుడు బర్గర్, పిజ్జా, చలుపా, సబ్వే, ఏదైనా ఓకే. ఎన్ని డ్రెస్స్ లు వేయించి, ఎన్ని ప్రింట్ ఫోటోలు తీయించామో.

మీరు మీ పిల్లలకు (తయారు) చేసినట్టే , నేనూ నా కూతురి కి అన్నీ చేస్తా, బుద్దిగా చేయించుకుంటుంది. తలకు రంగు వేస్తా, కాలి, చేతి వేళ్ళ గోళ్ళు తీస్తా, జుట్టు దువ్వుతా , మంచం మీదవి ఎత్తి పోసి శుభ్రం చేస్తా, . . .ఎవరి పిల్ల వారికి ముద్దు, బాధ్యత కదా మరి.

రెండు సార్లు కింద పడి , ఎమర్జెన్సీ కి వెళ్ళి వచ్చింది. వద్దన్నా ఏదో ఒక పని చేస్తూ, బొంగరము లాగా తిరుగుతుంది. అపార్ట్మెంట్ లు చిన్నవి కాబట్టి, పడిపోకుండా పట్టుకోవటానికి గోడలు దగ్గర గా ఉంటాయి. మా ప్రభుత్వ ము , పోలీసులు, డాక్టర్లు నా కూతురు ని బంగారం గా చూసుకుంటారు, గౌరవిస్తారు. విమానం వాళ్ళు కూడానండోయ్, 4 సార్లు భారతం 24 గంటలు ప్రయాణం చేసింది కూడా.

డాక్టరు, 2014 లోనే ఇక కష్టం అన్నారు, షుగర్ బీపీ విపరీతమైన స్థాయి చూసి. అయినా కూడా వేపాకు, కాకర , అల్లం, వెల్లుల్లి, ఆకు రసాలతో, . . ., బీపీ షుగర్ అర బిళ్ల ల కు తగ్గించుకుంది. వేసుకోను అని మారాం చేస్తే, కూతుళ్ళ దగ్గర వదులు తా అంటే చాలు. బుద్ది గా అన్ని వేసుకుంటుంది. రోజూ నట్సు పండ్లూ తప్పనిసరి. గుడి ప్రసాదాలు ఆపలేను చక్కెర ఉన్నా.

నా కూతురు ని, తన కూతుళ్లు వద్దు అన్నా కూడా, అయ్యో రేపు వాళ్ళ భవిష్యత్తు ఏమిటో వాళ్ళ మూర్ఖత్వముతో అని బాధపడుద్ది , పిచ్చి పిల్ల.

ఉదయం 5 కల్ల లెగుస్తుంది, అన్నీ తను చూసుకుంటుంది. శని వారం, తలస్నానముతో శని, శివయ్య ల కు నేతి దీపం పెడుతుంది ఉదయం 8 లోపు 6 మైళ్ళ దూరం గుడిలో. రామకోటి 5 లక్షలు రాసింది.

రాత్రి పూట గురక వినకపడకపోతే, దగ్గరలో కింద పడుకునే నాకు, గుండె గుభేలు మంటుంది. వెంటనే, బుజ్జీ సౌండ్ పెంచు , నిద్ర రాకపోతే, జోకొడతా అంటా, అంతే మరలా గురక వినపడుతుంది.

మధ్యాహ్నం యప్టీవీ జెమినీలో 3 సీరియల్స్ తనే చూసుకుంటుంది. వాట్సాప్ లో, ఇంటికి ఎవరన్నా వస్తే ఫొటోలు పంపుతుంది.

పడుకునే ముందు, పాత సినిమా చూపించి, ఆ మాటలు అర్ధము అయ్యేట్లు చెప్పాలి. లేకపొతే రామారావు, నాగేశ్వరవ్, సూర్యకాంతమ్మ అన్నది అర్ధము గాక అలిగి, టీవీ వద్దు అని అటు తిరిగి పడుకుంటుంది.

అమ్మో అలిగి కూర్చుంది అంటే చాలా కష్టము. చాలా బతిమిలాడాలి. కాళ్ళు పడుతూ, బ్రహ్మ కడిగిన పాడము, నానని తన్నిన పాదము అంటే చాలు, కిల కిలా నవ్వుద్ది.

కూరలన్నీ కోసిస్తే మంచిగా కూర చేస్తుంది. ఉప్పు కారం చాలా పొదుపు. బయట తిండి కావాలని మారాము చేయదు. మాసం కు మరీ దూరం.

లక్షలు ఇస్తా , ఊళ్ళో ఉంటావా అంటే , ఆస్తులు నాకెందుకు, లక్షణమైన చేయి కావాలంటుంది. పొట్ట మీద జోకొడుతూ , కాళ్ళు వత్తుతూ ఉంటే, గుర్రు పెట్టి పసిపాపలా నిద్ర పోతుంది.

టైం కి వెళ్ళలేక పోతున్నాను అని, వాళ్ళని ఇబ్బంది పెట్టలేక, ప్రభుత్వ ఉద్యోగం మానేసా. ఎన్నిరోజులు ఉంటుదో తెలీదు అని, కొంతకాలము అయినా తోడు ఉండాలి అని.

మరి నా కూతురు వయసు తెలుసా? షుమారు 74 ఏళ్ళు ఉన్న అమ్మ. అలాగే, మీకు కూడా వయస్సు కు(60 ఏళ్ళు లేదా జబ్బున పడిన వారు) వచ్చిన పిల్లలు ఉండే ఉంటారు. ఇంతకన్నా ఎక్కువే మీరూ చేసి ఉంటారు, ఊళ్ళు తిప్పి ఉంటారు.

పెద్దలు మనల్ని పసి పాపలు గా సాకి ఇంత చేస్తే, మరి మనమూ వాళ్ళను పిల్లలుగా జాగ్రత్త గా చూసుకోవాలి కదా. లేకపోతే, దేవుడు క్షమించడు, రేపు మన బతుకు అంతే కదా.

వాళ్ళకు కావాల్సింది మనము దూరంగా ఉండి విసిరే డబ్బు కాదు, ప్రేమగా చేయిపట్టుకుని నిమిరే ఇంకో చెయ్యి, ప్రేమతో పలకరించే పలుకు. మనమూ ఆ స్తితికి వెళ్ళడానికి ఎంతో దూరము లేదు మిత్రమా. ప్రతి ఒక్కరికి తప్పదు, కొంచెము ముందూ వెనుక అంతే.

- కన్న తల్లిని, కూతురులా చూసుకునే, ఓ పిచ్చి కొడుకు
 
Dt : 03-Sep-2019, Upd Dt : 03-Sep-2019 , Category : General, Views : 87 ( id : 158 )
Tags : daughtor , mother , daily schedule or funny things

గమనిక : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Note : Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
కేవలం ఒక మీడియా వార్త నే నమ్మలేము, ఒకే చోట అందరి వార్తలను ఇక్కడ చూసి, నిజాలు పోల్చుకోగలము
Facebook Comments
All best news at one place for NRIs
Multiple source NEWS from 7 yrs
No Ads or Spam, free Content